حين تغيب
تصبح كل الوجوة أنت وكل الاصوات صوتك
تنحصر كل الكلمات فى كلمه أحبك
فقط عندا أعلم انى أحتاج اليك
فقط عندها اعلم انك أنت من كنت أبحث عنة
فلا احتاج الى اى كلمات لاعلان حبى
فقط أحبك دون اى كلام
أحبك
(احيانا لا يدرك الانسان الحب الا بعد فوات الاوان )
تحديث
الكلام ده كتبته من وحى روايه واحه الغروب .... بهاء طاهر
اعتقد حين اجد حبى لن انتظر حتى افتقده لاعلم انه هو من احب
هناك ٣١ تعليقًا:
ليس احيانا بل غالبا لا يدرك الانسان الحب الا بعد فوات الأوان
احساسك عالى قوى فنانة بجد
تحياتى
احساس عالى اوى
وكلام صادق
وان كان حبك صادق فاكيد هيحس بيه
ربنا يوفقك
السلام عليكم ياسمسم
عارفة انى باجى متأخرة
وانى ليكى عندى زيارات من زماااان بس والله يابنتى غصب عنى والحياة تلاهى بس متقلقيش هتلاقينى عندك كل يوم
حلو اوى البوست على فكرة
رقيق كده وفييه شوق ولهفة و.....لوعة
بس بلاش تقسى على نفسك وتقوليله انه مكنش مهم ولا عرفتى قيمته الا فى غيابه
طالما تحبى حد بيوحشك حتى وهوا معاكى
ومحتجاله حتى وانتى قدام عنيه وبين ايديه
سمسم .. انا سمعت مرة كلمة حكمة مبنساهاش
اللى ميعرفش قيمة الحاجة وهيا بين ايديه يبقى عمرها ما كانت مهمة بالنسبة له
وان احتياجه للحاجة فى غيابها ماهو الا نوع من الحنين
انا مقصدش غير ان لو المشاعر اللى جواكى دى بجد يبقى انتى محتاجاه فىة كل دقيقة
وفى النهاية احجب احييكى على رقة اسلوبك وعمق احساسك
تحياااتى
انا اسف في الكلام الي هقوله
بس من الغباء ان الانسان ميحسش بالحب او ميقدرش قيمته غير لما يضيع منه
بوست جميل جدا
بس ليه نستنى لما نفقد شئ او لما يغيب عنا
اممممممممممممممممممممم
لايدرك الا بعد فوات الاوان
ااااااااااااااااة
بوست جميل يا سم سم
المشكله شم فى ان الواحد يقول قبل فوات الاوان المشكله فى الاوان نفسه
لان الحياة صعبه
فبالتال ممكن كل حاجه تفقد
المفروض ان الحب بيتحس وهو بين ايديكي مش لما يمشي
ممكن يكون فعلا نوع من الحنين
بس هانقول ايه
ماهو الحب ده لغز كبير واصعب سؤال ممكن يواجهنا : هل انا بحبه ولا لأ ؟
على فكرة كلمات روعة جدا
عبرت عن الاحساس بالمشكلة دي
تحياتي
اللـــــه ياسمم جميل اوى الكلام ده مشاعرك جميله ومتوهجه وصادقه جدا
كمان نصيحتك جميله وفعلا منتهى الندم ان نشعر بالحب بعد فوات اوان الحب
تحياتى
كلام جميل يا جميل
لو لقيتي احساسك بالاحتياج والحنين بيزيد يبقى حب حقيقي
وممكن يكون الاوان مافاتش ولا حاجة
اصل انا مش بحب الفراق
تحياتي
كلمات رقيقة جدا ومعبرة جدا لكن للاسف مشكلتنا هى الانتظار والتردد حتى يضيع الحب وكل ما هو جميل من بين ايدينا
ونصيحة ليك ولنفسى اولا ان نأخذ بزمام المبادرة اولا وصدقينى هتشعرى براحة شديدة
سلام
عزيزتى
الانسان عندما يحب لم ينتظر فوات الاوان فالحب احساسه يبدا كبذره من اول لقاء
فالو احسست بحب نحو شخص بمجرد غيابه
فذلك تعود والتعود جزئ من الادمان
وصعب نتعود على انسان ويبعد عنا
هناك شعره بين الحب الحقيقى واحساس الحب الزائف
سلام
مشاعر صادقة وتعبيررائع
أسأل الله أن تكون مرتبطة به
وأن تكون كما قال من علقوا قبلي قبل فوات الأوان
تحياتي
جيتي علي الجرح
بالنسبة لانه ممكن يكون تعود او حنين
فده ممكن
بس ممكن يكون برده حب وعلشان ظروف معينة كان في تردد
ولما الطرف التاني بيبعد بيتولد شعور بالخوف علي الحب ده
حد فاهم حاجة؟؟؟
السلام عليكم
طبعا بهاء طاهر لا يختلف عليه اتنين
يكفي ان كاتب محترم حقا
لكن المعني اللي وصلتيله
ممكن يكون بجد منعرفش قيمه الشئ غير لما نفقده
وممكن يكون حب تملك يعني الشئ مدام معانا عادي جدا لكن لو فقدناه اكيد هنحاول نرد لينا لمجرد انه لينا
في شئ تاني احيانا لما نبعد عن اشياء نعرف قيمتها
واحيانا لما نقرب من اشياء نعرف حقيقتها ونكرهها
تحياتي علي الكلام المعبره
فعلا يا حبيبتي كتيير الواحد موش بيحس بقيمة اللي معاه غير لما بيبعد تحياتي ليكي ولكلماتك الرقيقة
بصرف النظر عن البوست الحلو انا عاوز ابدى اعجابى الشديد بالصوره الى على البوست
الصوره حلوة اوى اوى اوى
احييكى
هذه مأساه الكثيرين لايدركون قيمة الاشياء مهما كان جمالها الا حينما يفقدوها
الحب دائما اكبر من كل الكلمات
اعصار يجتاح ارواحنا ويتغلل الى اعصابنا
وعندما ياتى،يجب ان نبادر بالامساك به قبل ان يضيع
الكلمات رائعة جدا ومعبرة للغاية عن حالة شعورية فى غاية الرقى
تحياتى
تسجيل حضوروبكره التعليق
الحب إحساس جميل بس لازم نكون حذرين في كل حاجه بنعملها فلا أحد يعلم ما قد يخبئهل ه المستقبل
تعبير جميل ورومانسي جدا
مشكلتنا اننا لا ندرك قيمة الشء الا بعد فقده
تحياتي ليكي اتاخرت في التعليق لاني كنت في سفر
فينك يا سمسم مختفيه ليه؟
طمنينا عليكى يا جميل
ايه مفيش جديد
منتظرين حاجات جديده
تحياتي ليكي
لما تلاقيه الكل هايحسده على حظه
كلامك جميل جدا
فنانه بصحيح
تحياتي واسف على التاخير
كلمات قليلة
وبسيطة
ومعبرة
كلام جميل ونابع من القلب
بس الحب احساس عالى ومش اى حد ممكن يفهم و يقدر المشاعر والحب الصادق
واننا ما بنقدرش الحب ده فى حالت كتير غير لمانفقده بنعرف اد ايه اننا بنحب الشخص ده
وشكرا على زيارتك مدونتى
قصيدة جميلة .. جدا
احبك ..
.. لا زلت أعشق عينيك الدموع
.. ورغم الفراق وطول الحصار
ورغم انتهائى
.. ورغم الحطام الذى حل بى ..ورغم الدمار
.. ورغم اندلاع الحرائق فى لافتات الرجوع
.. لا زلت أعشق عينيك رغم تلاشى الأمل
ورغم رحيل الشموع
........
- أحبك -
هل تعلمى ما هو الحب ؟؟
.. ذاك الذى حين فجر بين الضلوع
..انتهى عصر قلبى
وانتفضت بين جنبى روحى ؛
..ابتهاجا بمقدم عصر الربيع
.. وفصل الدمـوع
......
- أحبك -
.. أحبك وحدك
..لكننى لست وحدى أحبك
فالكل فى موطنى عاشق لك
.. انت الأميرة فى عصرنا
- عصر موت القمر -
.. أنت أجمل ما فى الوجود
وأجمل ما فى الصور
: انت سيدة الأرض
حين تبتسمى
..سيعم السلام
.. وينتحر الشر
..وإن تحزنى
... سيضيع الربيع
وإن تحزنى
..سوف تزوى الطيور لأعشاشها
وستسقط ما بين عينيك كل النجوم
وسيبدا عهد العدم
..وعصر الوجوم
وسيحجب عنا الأمل .. البكاء .. الليالى الجميلات .. أحلام كل البشر
وسيمنع عنا الندى .. والمطر
فلا تحزنى
باسم كل الطبيعة ..لا تحزنى
ودعينى أحبك
كى لا أضيع
منقول من واحد من الناس
http://1mnelnas.blogspot.com/2007/08/blog-post_17.html
انا عندى مشكلة كبيرة قوى انا كنت مخطوبة لواحد بحبة قوى وعرفت بعد كدة انة كان بيخونى ومش قلت لاى حد ونهاينا الموضوع من غير ما يقعد معايا ولة يعرف انا هسيبوا لية انا قلت ل بابا اسباب عادية لكن السبب المهم مش قولتو على امل انه هيقعد معايا وهقولو ومكنتش متوقعة انة يسبنى بالسهولة دى بس انا بحبة وهو لسة بيجى عندى تحت البيت وبشوفو وبيشفنى ولسة شايل حرفى بس مش هينفع انا اللى اروح اكلمة مع انى انا اللى غلطانة بس اعمل اية ساعدونى ممكن..
إرسال تعليق