انت رحت اسكندريه قبل كده اه.. بس كنا راحين نجيب بضاعة................مع مين ....... مع الواد ريكو عارفه
اه انا ..امبارح شفتو ماشى مع البت الرفيعه دى
انهى واحده ..اللى بتقعد عند الميدان عندنا ..
دى صغيير ...... مش رفيعه ..ايوة هى دى
انت يا واد انت وهو شوفة شغلكم هات الناس اللى واقفه دى
انت يا واد انت وهو شوفة شغلكم هات الناس اللى واقفه دى
الولدين فى وقت واحد
عبود ...عبو د... ترعه ...عبود
دة كان نص حوار سمعته من طفلين لا يتعدى عمرهما السبع سنوات
فى ميكروباص بس ما كنوش راكبين دول كانو شغالين التابعين بتوع الميكروباص مع سواق ربنا ما يوريكم
ولا ......تعليق
تحديث
اللوحه بتاع الولد دا انا اللى رسمها للعلم فقط
هناك ٢١ تعليقًا:
هييييييييييييه انا اول واحده
بص بقى ياسيدي
ظارهر اولاد الشوارع دي بقيت حاجه طبيعيه في بلدنا نتجيه للفقر والتخلف اللى احنا عايشين فيه
اه والله
تعرف لو واحد اخد باله من ولاده
ومارامهمش الرميه دي الموضوع هايتحل
ولو الدوله عملت حاجه زي مدرسه للفقرا اوى دول
والله هاينفعوا البلد بدل الدكاتره اللى مايعرفوش حاجه عن الطب واللى اخدوها بالدروس والكوسه والنتيجه ازهاق الارواح
ولا المهندسين
ولا غيرهم وغيرهم
لان ممكن نلاقي بين الولاد دول حد ممكن فعلا ينفع البلد
تحياتى
وبوست حلو فعلا
حاجة تجنن و الله
كل ده بسبب الاعلام و الافلام و المسلسلات
و كل واد و هو لسه في اللفة عايز يكون فتى احلام البنات
و تلاقي العيل الصغير من دول لسه مكملش عشر سنين و بيشرب سجاير
فاكرها رجولة
حاجة تجن
انتي كنتي رايحة عبود تعملي ايه :)
على فكرة عندي سؤال اول مرة افكر فيه النهاردة
ekadole كلمة
اختصار لايه او معنها ايه ؟
تحياتي لكي
فرفشة
على فكرة سمسم دي بنت :)
من انا
------
semsem
بنوتة مصريه وموظفه حكومية وفى الاول والاخر فنانة تشكلية
و مستوظفة أد الدووونيا في الحكوووومة
:)
مرة كنت ماشي في الشارع .. والشارع تقريباً فاضي
شميت ريحة دخان سجاير
وأنا بيني وبين دخان السجاير كراهية شديدة
أدور على مصدر الريحة حواليا مش شايف حد
ضربت عيني لتحت لقيت عيل مش باين م الارض وبيشد في انفاس السيجارة
مقلداً النجم الكبير عادل إمام في شعورة بلذة نفس السيجارة
لا حول ولا قوة إلا بالله
يا ترى الولد ده لما يكبر هيبقى حشاش ولا شمام؟
على فكرة اللوحة اللي أنتي راسماها جميلة جداً ومعبرة عن أطفال الشوارع ولكن من النوع المقهور وليس من النوع الشرس
خالص تحياتي الفنية
اسكندريه.... لازم اسكندريه يعنى يا سمسم ماشى بس خالى بالك انتى الى بداتى بسيره الاهل
موضوعك حلو وبكره دول هيبقوا اسطوات وسيقوا عربيات ويطلعوا عنينا
الوحه بتعتك جميله جدا انا اقترح نسميها التوربينى
لان كلمه اطفال الشوارع اصبحت مبتزله
موضوعك جميل واحساسك عالى ياسمسم
تحياتى
انتوا عارفين ان في مصر
اتنين مليون اطفال شوارع
منهم مليون وشويه فكه بنات
تسعين في الميه منهم بيعملوا علاقات محرمه
وكتير منهم بيحملوا سفاح
اه على حال ولادك يا مصر والله الواحد خايف قوى من الى جاى لازم قانون العمل يتفعل ويبقى فيه اشراف
بس المشكله الاطفال دى بتشتغل عشان لقمه العيش يعنى لو طبقنا عليهم القانون هيموتو من الجوع يبقى لازم نغير والتغيير يبقى من فوق وبسرعه عشان نلحق ولاد مصر
تحياتى
يبقي انتى اكيد اكيد فى مصر
بنحبك يا مصر
farfasha
--------
شكرا جدا على الزيارة
وبعدين انت ازاى مش عارفه ان سمسم بنوته
علاء
----
ekadole
معنها بحبك بس بالنوبى
مرة زرت النوبه فى رحله وعجبتنى الكلمه فاستخدمتها بس
وشكرا على ردك على فرفشه
منورنى دائما ياعلاء
ياسر حسين
---------
متشكره يا فنان انت عارف مهما كان اطفال الشوارع دول لازم يصعبو عليك لانى متاكده لو كان فى ظروف احسن مكنوش بقو كده
ممكن
----
يا سيدى محدش جاب سيرة اسكندريه بحاجه وحشه انا نقلت الحوار اللى سمعتو ذى ما هو بالظبت
وبعدين بذمتك الواد الغلبان اللى فالصورة ده التوربينى
ماشى مقبوله منك على شان خاطرك انت بس هخليه توربينى بس لما يكبر شويا
محمود على
--------
للاسف عارفين
ضد الظلم
--------
انا معاك لازم تغيير بس تقول لمين
تخاريف دكتور
---------
المهم انا مصر تحب العيال الصغيير ددى اللى انا متاكده برضو انهم بيحبو مصر
مش لاقى غير تعبير صلاح جاهين
وعجبى
معدش أطفال الشوارع، بقى أطفال الميكروباص، والدش، والنت، والتليفزيون كمان
اللهم عافنا واعف عنا
آمين
تحياتى
السلام عليكم
انا اكاد اجزم ان مابقاش فيه حاجه اسمها طفوله
الناس دلوقت كل اللي هاممها انها تخلف وبعدين ولادهم ينطلقوا للشوارع تربيهم والنتيجه زي ماانتي شوفتي واكتر
انا شفت اولاد مايكملوش 8 سنين وكل واحد عامل فيها سبع الليل والسيجاره مش قادر اصلا يشيلها
بيشربوا سجاير اللي انا ماكنتش اعرف ان فيه اختراع اسمه سجاير لحد 2 اعدادي
حسبنا الله ونعم الوكيل
فى الأول
أعتذر عن التأخر فى التعليق ونظرا لظروف صداع خارج عن الإراده
برضه
انا مش عارف أشكرك
ازاى على تنبيهى على
ان الكلمة فى اللوجو
كانت كسيان وليست كسبان
وأحييكى برضه
على نباهتك ودقة ملاحظتك
وأحب اقول لك
لو عشتى الحياة بالطريقة دى وبحسن الملاحظه دى
هتتعبى وهيجيلك صداع زيى
أحب أقول لك
ان انا وريت اللوجو لولاد عمى
وصحابى
والمدونيين ولم يلاحظوا النقطه دى
وكل اللى قالوه
لوجو جميل ياكسبان
علشان كده انا شلت اللوجو القديم خالص وحطيت لوجو جديد
وصغير ياستى علشان متزعليش
وعايز رأيك فيه ضرورى
أما بالنسبة لتعليقى على موضوع البوست
فله شقين
الشق الأول وهو العيال وتفكيرهم اللى فوق سنهم
انا ابن عمى عنده 6 سنين
وجاى عندى بيوقلى والنبى ياكسبان
تتصلى بصاحبتى علياء
علشان يصالحها
بسلامته كان زعلان منها
علشان بتلعب مع واد تانى فى الشارع
اما الشق التانى والمتعلق بأولاد الشوارع فالمشكلة مشكلة الأسره
والسبب هو الوضع والمناخ الوسط اللى عايش فيه
علشان كده ممكن رجال الأعمال يدخلوا فى الموضوع ده ويعملوا جمعيات
ويعملوا للعيال مسح مخ
بس تكون جمعيات مفتوحة وأدمية
يعنى اللى ابوه بيشرب ومطلق امه
وكل يوم الواد يشوف ابوه بيضرب امه
ومن ده كتيير بقى
عيزاه يبقى عامل ازاى
علشان كده لازم نبعده عن الوضع ده
ونمى قدراته ونوفر له جو كويس يعيش فيه
علشان يقى عضو كويس فى المجتمع
وبعدين كل واحد من ناحيته
يعنى شاب متعلم وكويس
ممكن مثلا لما يلاقى اسره زى دى
يحاول يدخل بلطافه ويحل الموضوع
ويتكلم مع ابوه وامه
ومع الواد
يعنى كل واحد يشوف اللى حواليه
ممكن يتحل الموضوع
او حتى لو متحلش
نبقى عملنا اللى علينا
أما ان احنا نعاملهم كنكره وانهم ملهمش قيمه ونعاملهم وحش
فده أخطر أخطر حاجه فى الموضوع
منتظر تعقيبك على الجزء الثالث والأخير من عفوا حبيبي متقدرش ومتعرفش
http://sfahmy78.blogspot.com/2007/06/blog-post_27.html
اسلام
-----
احنا عندنا اطفال لكل حاجه تصدق الصبح وانا رايحه الشغل لاقيت اتنين والله الواحد فيهم ميكملش 6 سنين واحد يا عينى شايل قفه زباله وظهرى محنى على الاخر من تقلها
وواحد تانى ماشى بيكلم ابوة بيقوله لا مينفعش 10 جنيه دا اكبر حوالى 8 سنين
انا رايح العب مع اصحابى نت
ولا تعليق ايضا
ولو
----
هو فعلا مبقاش فى اطفال
ربنا بستر على اطفالنا من الزمن ده
ان شاء الله
مدونه كسبان
----------
اولا سلمتك من الصداع
تانيا : هعمل ايه بس ما انا شغلى كده المفروض اخد بالى من الحاجات اللى الناس متخدش باله منها
عندك حق والله بيجيلى صداع
تصدق انت اول واحد يحط حل للمشكله
المفروض فعلا كل واحد يشوف اللى حواليه ويصلح فيهم
تحياتى استاذ كسبان
استغفر الله
ناس تجيب اولاد تسعدهم وناس تجيب اولادج تشقيهم
غريبة الدنيا ومساكين الاطفال الى بتضرهم الظروف لكدة تلاقى الطفل دة بيصرف على اسرة كاملة
انا سمعت في تصريحات حكومتنا الموقرة ان ظاهرة اطفال الشوارع انتهت بس واضح ان الحكومة وقتها كانت بتتكلم على اولاد الشوارع بتوع بلد تانية
والله حرام اللي بيحصل ده الناس دي لازم نساعده ونقف جنبها لأن بالشكل ده هيتحولوا في المجتمع لناس بلطجية وحرامية وحاجات تانية كتير احنا في غنا عنها
تحياتي ليك
ايه ده انتي غيرتي الثيم ؟
مبروووووووووووووك
أنا محتاج رأيك بخصوص الموضوع ده
تجمع مدوني مصر .. حقيقة قابلة للتنفيذ أم حلم بعيد عن الواقع
والله في ظل هدم وجود حياة سليمة لهؤلاء الأطفال يمكن توقع كل شئ :(
المفروض إن الناس دي محتاجين رعاية بشكل خاص ... بس نقول إيه بقا :)
ملاحظة كدا ... الصورة قوية جداً:)
{بنا يكرم حضرتك
ايويه
-----
منورنى يا ايويه والله عنك حق دنيا غريبه
انا حر
------
فعلاالمصيبه ان كل واحد فى دول بكرة يبقى توربنى جديد
ولا عزاء للحكومه
sharkawoo
----------
وربنا يكرمك انت كمان اسعدنى تعليقك على الصورة
إرسال تعليق