يقول يونج فى تفسير النظريه النفسيه للابداع الفنى ان الفنان يحمل بداخله شخصيه مزدوجه شخصيه المبدع والشخصيه العاديه وانه عندما يبدع يصبح شخص اخر وانه يعيش فى صراع دائم وعليها ان يضحى بالشخصيه العاديه فى سبيل الشخصيه المبدعه ايه علاقه الكلام المكلكع دة باللى انا عاوزة اقوله
اقولكم
انى اكتشف ان مش الشخص المبدع او الفنان هو بس اللى عنده شخصيتين
تقربا كل الناس هتقولولى ازاى ....... اقولكم
مشهد 1
رجل يلوح فى وجه ابنه وفى يدة سيجارة يدخنها من حين لاخر ويقول
انت يا ابنى عارف خطورة السجاير ايه اياك يا حماده تقربلها ولا حد من اصحابك يديك سيجارة وتاخدها ولا ينسى ابدا ان ينفس دخان السيجارة فى وجه الابن بعد الانتهاء من الحديث
مشهد 2
ام مع ابنها
انت اتجننت مش عارف ان دة حرام لما واحد صاحبك يديك حاجه اوعى تستعملها لازم تحافظ عليها دى امانه هتدخل النار
بعد ثوانى
ماما عاوزة اصور الورق ده على شان اذاكر منه
خلاص سيبو انا بكرة هعملهولك فى الشغل هى ايه فلوس على الفاضى فى الشغل فى ورق وماكنه تصوير لسه مستلماها فى العهد جديد
! عاوز كام نسخه
مشهد 3
طالبه لاخرى
شفتى امبارح اشتريت ....... وطلع بايظ الناس خلاص مش عارفين ان الغش حرام ومن غشنا فليس منا .
نفس الطالبه بعد الامتحان
الحمد لله غشيت الامتحان كله انا لازم اشكر ربنا على شان اللجنه كانت سهله بعد اذنك انا طلعه الجامع اصلى !!!!!
مشهد 4
ولد لاخته
انت ازاى تفضلى تتكلمى فى التلفون لحد دلوقتى الساعه 12 باليل هو ايه البيت سايب
وسيبى التلفون بقى على شان فى واحده زملتى هتكلمنى الساعه 1؟
ومشاهد من دى كتير اكيد انتم شفتوها وممكن تكون جوانا احنا فى موقف نرفض تماما الشى وموقف اخر نقبله عادى
تفتكرو ليه طب الفنانين ولعنه الفن لبستهم والناس العادين ؟؟؟
لو عندكم تفسير للكلام دا انا فى انتظار تعلقتكم
اهو نشوف على الاقل احنا هنطلع كام شخصيه
هناك ٢٤ تعليقًا:
بعد ازيك
انا تركيبة كده من كام واحد
لكن مش كام واحد من اللى انتى بتتكلمى عليهم
أنا كتير بس مع نفسى
يعنى ببقى قلقان
وبعد كام دقيقة مش قلقان
وابقى خايف ومش خايف
وتعبان ومش تعبان
وزعلان بعد شوية مش زعلان
أحيانا ببقى فرحان ومش عارف ليه
وشويه اتحول وابقى مدايق
بجد انا اول مره اكتب حاجه زى كده
يمكن علشان لو قلت لواحد كده
هيبقى نص الكلام اللى بتكلمه لنفسى
علشان هيمشى اساسا قبل ماكمل
هيخاف على نفسه
حقيقي أنا كل يوم بأكتشف فيكي قدرات إبداعية جديدة
موضوع جيد من حيث التناول والمضمون
بس أنا ليا رأي
الانسان المتصالح مع نفسه
الذي ينظر غلى نفسه من الداخل بشكل دائم
ويحاول أن يحسنها ويقومها
لا يقع في مثل هذه الاخطاء
أما بالنسبة لنظرية يونج
فأنا لست مع النظريات المتفلسفة حول ماهية الفنان
الفنان بمنتهى البساطة
شخص مبتكر ويمتلك موهبة وشفافية يعيد صياغة الواقع بشكل جميل لتخرج هذه الصياغة في شكل أعمال فنية مختلفة
خالص تحياتي الفنية
تضخم الانا زي ما الناس بتقول :)
بيؤدي للتفكير المطلق في النفس و في اللحظة دي بتكون كل الافكار موجهة لخدمة المصلحة الشخصية .. دة تفكير .. ابداع .. عمل جديد الانسان عقل الانسان بيعملة علشان يحقق مصلحة او متعة ..
انما العكس بيكون برنامج مسجل و بيستدعي من غير تفكير.. تقليد الشخص اتعود علي .. كدة غلط كدة عيب .. كدو مينفعش .. استدعاء لصورة الاب و محاولة وضعها فيا و اطبقها ..
اللي بيحصل في معظم الاحيان مع الاشخاص الاقل كفائة عقلية هوة صورة تضارب بين الموقف ( المتعة التفكير المصلحة)و الجزي المسجل قبل كدة ( النصيحة مثلا )
انما العقول الاكثر دراية بالكلام اللي انا بقولة دة بتبدأ تفكر في التسجيلات القديمة نفسها المتراكمة في العقل و توظفها في اصح صورة ممكن علشان تحقق مصلحتها
كمثال اخر صورة عندك الولد اللي بيكلم اخته لو مكانش ذكر موضوع صاحبتة دة لادراكة ان اللي هوة بيقولة مجرد استدعاء لصورة قديمة هوة مفكرش فيها و مغيرهاش علشان تناسبة كان هيحقق مصلحتة بدون حدوث التضارب الواضح في الصورة
اي خدمة :)
مدونه كسبان
----------
تصدق وانا كمان
بيحصلى اللخبطه دى وبرضو مبقولش
:)
ياسر حسين
-------
انا معاك بس برضو فعلا انا بحس ان الفنان وهو بيبدع بيتحول الى شخص اخر
فليس كل شخص مبدع كما انه ليس كل مبدع شخص عادى
اخر من الاخرين
-------------
مش عارفه ليه حسيت من كلامك ان بقرا كتاب فى التنميه الذاتيه
انت ليك فى الكلام ده
semsem
ليا حكاية و مواقف و اراء في التنمية الذاتية و علقتها بعلم النفس ..
أنا أعتقد إن إحنا بنعاني من مشكلة كبيرة في الإزدواجية الشخصية يعني بطريقة أوضح وأبسط نري عيوب الناس بنظارة مكبرة ولا نري عيوبنا تقريبا مهما تضخمت وأشتكي منها العباد والناس هذا أمر
الامر الاخر أعتقد أن كل شخص يحتوي علي العديد من النسخ البشرية التي تظهر كل منها عند الحاجة كمثال بسيط لو تخيلنا طالب فاشل دراسيل وبعدين ترك التعليم وتوجه للجيش وأثناء الحرب قام ببطولات عديدة وحصل علي وسام للشجاعة ما الذي حول هذا الشخص من طالب فاشل كسول لجندي شجاع لا شيء هو نفس الشخص ولكنه لم يكن يريد أن يستعمل قدراته المسألة كلها كانت في الموقف الذي جعل مميزات شخصيته تخرج للنور
تحياتي
أشكرك علي الموضوع المهم...لان الحقيقة المجتمع المصري يبدو و كأن لدية إنفصام في الشخصية.
يقول الله تعالي :
يا أيها الذين آمنوا لم تقولون ما لا تفعلون كبر مقتا عند الله أن تقولوا مالا تفعلون " سورة الصف2.
وهذا علة المجتمع المصري الان للاسف.
الكل يشكو من الغلاء و ارتفاع الاسعار
و الكل في نفس الوقت لا يرض بما قسم الله له ..فيحاول بقدر الامكان سلب الاخرين ارزاقهم..
المدرس لا يرضي ربه بأداء عمله علي الوجه الاكمل..و يعطي دروس خصوصية
الموظف نفس الشيء ..لا يرضي ربه بأداء مهامه علي الوجه الاكمل فتحدث الرشاوي
الكل ينادي بالاصلاح و الديموقراطية في مصر... و لم يفكر اي منا في إصلاح نفسه أولا...و لا التعامل بديموقراطية مع أبناؤه..او مرؤسيه او زملاؤه في العمل.
لقد شخصتي في كتابتك لهذا البوست الافة الكبري التي تنخر في عظام المجتمع المصري الان...و لا أظن ان الحياة في مصر لن تتغير الي الاحسن الا إذا غيرنا نحن ما بأنفسنا.
قال تعالي " إن الله لا يغير ما بقوم حتي يغيروا ما بأنفسهم" .
تحياتي و تقديري...و مرة أخري شكرا لك علي البوست المهم.
هيه هيه جاتلي الفرصة
semsem بصي بقي
عملتي موضوع و جاتلك تعليقات علية .. ناس شيفاه من ناحية شخصية و طبقوه علي نفسهم .. و ناس زيي كدة شايفينة مشكلة ذاتية او نفسية و ممكن تتعالج .. وواحد شاف اثرها علي المجتمع
و ابو لهب اللي انا معجب بتعليقة جدا حطها في اسكتش يستاهل يتصور ..
بس انتي اتكلمتي في مشكلة .. يعني لازم ندور علي حل ..
قوليلي بقي نفكر فيها من انهي ناحية علشان نلاقي الحل .. و من وجهة نظرك نتعامل مع المشكلة ازاي .. فرصة بقي :)
تحياتي
ابو لهب
------
انا مستنيا تخلص الخناقه
شباب روش طحن
------------
هو انا كنت بتكلم على الشخصيه فى مواقف مشابها مش موقفين مختلفين
يعنى انه ممكن يقبل انه يستعمل حاجات الشغل ةالاقلام والاوراق وكل ده بس بردو فى نفس الشغل لا يقبل الرشوه
الربان
-------
انا معاك ان دى اصبحت مشكله مجتمع وليس مشكله فرديه
اخر من الاخرين
-------------
انا عرضت مشكله اكيد على شان مش عندى حل
بس انا شايفه ان المشكله اكبر من فى المبدا وان فى ناس بتقبل انها تجزا مبداها او انها فى كل موقف بوجه
متهيالى من الاول لو فى مبادى صحيحه وعقيده راسخه مكناش اتعرضنا لمشكله
ذى دى
اخيرا متهيالى انا كل واحد لازم يعيد النظر فى مبادئه وتصرفاته لان معتقدش ان المشكله ممكن تتحل بشكل جماعى
فعلا التناقضات دى جوا كل واحد فينا بس مبيخدش باله منها وتخيلى كدة ان الشخصيه الى بتطلع وهو لوحده مع نفسه بتبقى شخصيه تانيه
يعنى ممكن نعد لكل واحد كدة حوالى 3 ويمكن 4 شخصيات وكل واحد حسب الحاله واسف انى بعيش بشخصيه واحدة
تحياتى
التناقض دايما بيكون فى الواحد
بس فى الى بيقدر يتغلب عليه وفى اللى مش بيقدر
semsem
اعتقد المشكلة مش في المبدأ .. الناس اصلا مش متفهمة كلمة مبدأ و معجبين قوي بكلمة فهلوي و الصورة اللي رسخت في عقول الناس عن ابن البلد الفهلوي او الشخص اللي بيلعب بالبيضة و الحجر و مش عارفين يعني ايه ازدواجية ولا فاهمين يعني ايه كي بمكيالين فالقضية مش قبول بانة يكون متجزأ بقدر ما هوة جهل و تنفيذ لحاجة موجودة في العقل و دخلتة صم او من غير تفكير ..
لازم الشخص الاول يعرف انة لازم يفكر و بعدين يتكلم و يفكر و بعدين يتحرك ..مش اي كلام في اي حتة و اصلا احنا عندنا مشكلة في لغة الحوار و احنا دي متستثنيناش احنا كمدونين و جزء من الشعب لان المدونين كمان عندهم مشكلة في لغة الحوار و مشكلة في تنفيذ الافكار .. و مش عايز اقولك ان في مدونين كتير بدأو علي اسحياء علشان التناقض اللي جوة شخصيتهم دة بين اخرج اللي جوايا و لا اخراج الكلام دة غلط
المشكلة مشكلة عقل و مشكلة روح بشر نسيوا ان ليهم عقل و ليهم روح و بيحاولوا يعيشو بتجارب اخرين ممكن يكونوا فشلوا في حياتهم
semsem
اعتقد المشكلة مش في المبدأ .. الناس اصلا مش متفهمة كلمة مبدأ و معجبين قوي بكلمة فهلوي و الصورة اللي رسخت في عقول الناس عن ابن البلد الفهلوي او الشخص اللي بيلعب بالبيضة و الحجر و مش عارفين يعني ايه ازدواجية ولا فاهمين يعني ايه كي بمكيالين فالقضية مش قبول بانة يكون متجزأ بقدر ما هوة جهل و تنفيذ لحاجة موجودة في العقل و دخلتة صم او من غير تفكير ..
لازم الشخص الاول يعرف انة لازم يفكر و بعدين يتكلم و يفكر و بعدين يتحرك ..مش اي كلام في اي حتة و اصلا احنا عندنا مشكلة في لغة الحوار و احنا دي متستثنيناش احنا كمدونين و جزء من الشعب لان المدونين كمان عندهم مشكلة في لغة الحوار و مشكلة في تنفيذ الافكار .. و مش عايز اقولك ان في مدونين كتير بدأو علي اسحياء علشان التناقض اللي جوة شخصيتهم دة بين اخرج اللي جوايا و لا اخراج الكلام دة غلط
المشكلة مشكلة عقل و مشكلة روح بشر نسيوا ان ليهم عقل و ليهم روح و بيحاولوا يعيشو بتجارب اخرين ممكن يكونوا فشلوا في حياتهم
تنهي عن خلق وتأتي بمثله
عار عليك اذا فعلت عظيم
فعلا لازم نمحي الازدواجية دي في حياتنا دا فعلا لو كنا صادقين
واذا فقدنا المصداقية.......غيرنا مش هيصدقنا
يعني الاب اللي بيدخن هوا المسئول الاول عن تدخين ابنه
والله صدقتى بس دى مش الشخصيات
دة الخير والشر اللى جوة كل البشر
كلنا بنغلط وكلنا بننقد
علشان كدة اتعلمت انى لما ألاقى حد بيعمل اى حاجة ما بأنقدهوش أو اهاجمه لأن الدنيا علمتنى انى ممكن لما أكون فى مكانه اعمل نفس الشىء
تحياتى
مش عارفه ليه بقي فيه تناقض غريب اوى فى الناس ... فى قلوبهم و تفكيرهم
بوست لذيذ اوى يا سمسم
بما انك بدأتي بعلم النفس و يونج
انتي اللي جبتيه لنفسك
في كتاب ليونج اسمه سيكولوجية اللاوعي
و بيفسر فيه الظاهرة دي بالذات - يا محاسن الصدف :) - قعدت حوالي تلت ساعة على ما طلعتها من الكتاب لأني كنت فاكر اني قرأتها فيه
اللي هي نصح الناس بشيئ و فعل عكسه
بيقول:
"و على سبيل المثال فإن الانسان بطبعه يميل للنصح حتى و ان كان شاذا عن المجتمع او غير مقبول الخصال فهو يستلذ بشعور الفوقية بمعنى أن يكون موضع الناصح أعلى من المنصوح . فربما تجد أحدهم فاشلا في زواجه بينما هو يعطي محاضرات في الزواج الناجح ..."
و من المنظور اديني فإن الله عز وجل قال
"أتأمرون الناس بالبر و تنسون أنفسكم و أنت تتلون الكتاب أفلا تعقلون"
فالله عز وجل وصف الذي يفعل ذلك بغير العاقل
فهو أمر يخالف المنطق
و على الرغم من ذلك فإن بعض العلماء أجاز النصيحة لمثل هؤلاء شرط أن يكون هو نفسه يسعى إلى تغيير عادته هذه
الموضوع فعلا موجود حوالينا كتير جدا
ربنا يعافينا و يهدينا
قولي آمين
اخر من الاخرين
----------ما هو من الاول لو كان الانسان ذات مبدا واحد وعقيدة واحدة \
لما ضهر هذا التناقض
مصراوى اوعى
----------
فعلا هى دى المشكله الاساسيه ان نفقد مصدقياتنا
ياسمين
------
والله عندك حق
dalia
-----
ولا انا كمان عارفه
علاء
-----
امين يارب
هاه سمسم
انا متفق معاك ان كلنا بنعيش الازواجية دى بس دى حاجة ملهاش علاقة بالابداع دى ليها علاقة بالسلوك الاجتماعى ورغبتنا فى التجمل للظهور بالشكل اللى نعتقد انو كويس عجبتنى كتاباتك وعاوز ادعوك لزيارتى وتبادل التعليقات فىhttp://anawhma.blogspot.com
وارجو ان تقبلينى صديقا متابعا
هههههههههه شر البليه ما يضحك
عندك حق يا سمسم الازدواجيه موجوده فينا كلنا كل شخص مننا فيه مجموعه اشخاص مش اتنين
وده نتيجه الصراعات النفسيه الى جوانا
الصبح بكون حلو وطيب وجميل بعد الظهر شرير شويه لما اكون مع بنت بكون منتهى الرقه والاحساس ومع اصحابى منمتهى قله الادب
ومع اهلى زى ماهما عاوزين
ومع مديرى منتهى الاخلاص والنفاق..
شخصيات وصفات كتير ومتدخله واحيانا متناقضه
برافو عليكى انك رصدتيها وسجليتها
بس انا مش مستغرب انتى فنانه والفنان بيشوف احسن من اى حدوبيحس اكتر من اى حد
بوست حلو اوى اوى اوى
منتظر تعقيبك على البوست ده
http://sfahmy78.blogspot.com/2007/06/blog-post.html
انا بحس الحكاية اووى ديه فيا..بحس انى اتنين جوا بعض ..وبحس برضه بالتناقض فى بعض تصرفات الاخرين..واكيد برضه احنا بناقض نفسنا ساعات موضوع حلو اووى وخلى الواحد يفكر فى حاجات مكنش بياخد باله منها.شكراا
من كام سنة كده قريت كتاب لكارل يونج لحس مخي وما رجعش مخي سليم تاني.
بلوج جميل.
تحية ليكي وللخواجة يونج.
إرسال تعليق