عاطفتى تسبق عقلى فى كثير من الاحيان -----
فعندما ارسم الاشخاص أرسمهم كما اشعر بهم وليس كما هم على الطبيعه
الا ان من يعرف هولاء الاشخاص يكاد يجزم انهم هم مع اختلاف الشكل تماما
(فان العبرة ليست ابدا فى معرفه الناس ولكن , فى الاحساس بهم )
-------
الناس اللى فوق دول زميلى فى الشغل بس انا مش معاهم على شان انا اللى كنت بصور
هناك ٤٣ تعليقًا:
لذاذ موت
ماشاء الله..!!
رسمك حلو..وإحساسك مبدع علي الصورة
ليه ما حاولتيش الاشتراك كرسامة
كاركاتير في صحف او مجلات المجال ده خصب
جداً
همزمز شوية في موضوعاتك المنشورة وارجع
تاني...
علي فكرة الصورة اللي في موضوع ذكري
جميلة قوي...تسلم إيدك
هههههههههه والله ظراف
وبعتقد انى اعرفهم
طبعا الى على يكينك دكتور اشرف
والى على الشمال ميشو
والى جنب ميشو بتاعه بوست مبروك بس ليه كده
هى بقت حامل ؟؟ ماشاء الله ربنا يقومها بالسلامه
الاتنين التانين مش عارفهم
بس بيتهيالى ان انتى المحجبه
الى معرضها فى الصوره شويه
الوحه حلوة
والبوست جميل
تحياتى
يكينك = يمينك
اه صحيح مين العيال دول انتوا بتاخد عيالكوا الشغل ولا ايه
تحياتى
حلوين اوي و انتى صورتى طبيعتهم مش اشكالهم
بس غريبة البنتين الصغيرين انتى تقصري بيها حاجة و لا فعلا معاكو بنتين صغيرين و لا دول ولاد واحدة معاكو و لا ايه
على العموم تصوير جميل كالعادة تسلم ايد الفنانة
تحياتي
Alone...!
-------
هما فعلا لذاذ وانا بحبهم قوى
بيتنا القديم
------------
متشكرا جدا ليك
منورنى
هو ان امعنديش وقت اشترك فى حاجه
بصراحه
شغلى ودراستى واخد كل وقتى
بس هو ممكن
وخصوصا انى استاذا
ناجى كامل
رسام الكاركاتير فى الاهرام
momken
-------
برافو ممكن
هو فعلا اللى شمال دا ميشو
والحامل توته بتاعه بوست مبروك بس ليه كده
بس اللى يمين دا كيمو الشاب الروش
اصلا انا كنت رسماه لابس شورت وشانطه مدرسه بس فى تجميع الرسمه جه ورا دودو ونونه
وانا مش معاهم مش انا قلت انى انا اللى بصور
المحجبه ومعرضها شويا دى ايمى
واللى جمبها ديدى
والاطفال دول يبقو بنتين شغالين معانا هما اصلا كبار ومحجبين
بس شخصيتهم طفوليه وبيور قوى
اللى يمين نونه واللى بضفاير دودو
ومش ممكن ارسم دكتور اشرف لانى هيطلع وحش قوى منى
ناقص بس واحد كمان معانا ابو حمزة
مرسمتوش على شان متخصمين
منورنى دائما يا ممكن
بتعليقاتك المميزة
الحلم العربي
----------
ازيك عامله ايه
البنتين دول ذى ما قلت ل ممكن
هما بنتين معانا بس شخصيتهم طفوليه وبريئه جدا
انا قلت انى برسم الاشخاص ذى ما انا حاسهم مش ذى ما هما
ومتشكرة ليكى جدا
تحياتى ليكى
بعد السلام
طبعا انا معرفهمش
واكيد عمرى ما شفتهم
بس تقريبا عرفتهم
تسلم ايدك
ربنا يعينك
وتلونى الصورة
تحياتى
بتاع العسل
---------
تعليقك ذى العسل
بس قولى هما ابيض واسود وحشين
ههههههه
كنتى بتصورى
اولا
انا اول مرة ادخل عندك
ثانيا
انا بموووووووووووت فى الرسومات جداجدا
انا من زمان عندى موهبة الشعر لكن مش فى الرسم مش رسيم
ولذلك
بحقد على الرسامين وكل ما اشوفة رسمة بالقلم أقعد ابحلق فيها زى المجنون
ومقتنى رسومات كتير لاصحابى من ايام الكلية
موضوع الاحساس ده يااااااااااااه
ده كلام كبير اوى والله اللى يفهمة ويقدرو
الفن ده حاجة كبيرة اوى
والفنانين - أقصد الفنانين اللى قال عليهم عبد الوهاب في اغنية
ياللى بدعتوا الفنون وف ايدكو اسرارها
دنيا الفنون دى خميلة وانتى ازهارها
فعلا الفنانين الحقيقين دول ارواح من نور تمشى على الارض
تحية ليكى يا فنانة
هروح بقى هقلب المدونة على مهلى
أحمد
صحيح هو ايه موضوع الاطفال اللى فى الصورة دى
هو انتى شغالة فين ؟؟
ايه المكان ده اللى فيه موظفين اطفال
ههههههههههه
تحياتى
مدونتك جميله اوى
تسلمى عليها
بعد السلام
هما جمال والله
وتسلم ايدك
كمان مرة
بس
عندى تعليق
هما فيهم واحدة
pregnant
ولا انا بتهيالى كدا
تحياتى
أنتى حساسه جدا جدا
بجد الصور حلوه أوى و فيها أبداع
سؤال هو البنوته الصغيره ألى فى مقدمه الصوره زميله و لا أنتى حساها كده
صوره حلوه قوي
انا اعتقد اني عرفت احساسك بكل حد فيهم
فيهم اللي بتعتبريها حد كبير مقاما زي مامتك او اختك الكبيره وفيهم اللي بتعتبريها اختك وفيها الشاب اللي عايش دور الشاب اللي مقطع البطاقه مع انه مش يدي على كده وفيه اللي بيحسسوكي انهم اطفال وبيرجعوكي لفتره زمان وفيهم واحد بنضاره مش عارف ده بالنسبه لك ايه
احترت بجد اعرف ايه نظامه بالنسبه لك
فعلا الشكل مش مهم عند وصف حد المهم جوهره وشخصيته
الاشكال غالبا ما تخدع لكن الاحساس نادرا ما يخطأ
ربنا يديم عليكوا المحبه بس ليه فيه ناس ورا مع بعض الصغيرين مع الحاج اللي محيرني قدام ف جنب تاني
ولا انا بيتهيألي
بجد صوره جامده وفيها احساس عالي
تسلم ايدك
(فان العبرة ليست ابدا فى معرفه الناس ولكن , فى الاحساس بهم )
عجبتني جدا هذه الجمله
تحياتي لكي
السلام عليكم
..........
رسمك جميل اوى وفيه حاجة كده زى ما تقولى ........ صح ولا غلط ؟
تحياتى
فكرتيني بالفيلم بتاع الولد الي اترمي عليه سحر انه يشوف احسايس الناس مش شكلهم
كلامك مظبوووووووووط
وبالنسبة للرسمة
جميلة جدا
بس كانت هتكون اجمل لو كنا شوفنا الناس دول علي حقيقتهم
ياه شكلهم شبه أصحابي و زمايلي
كل واحد من اللى أعرفهم شخصيته شبه الصور اللى إنتي راسماهم
حقيقي أسلوبك جميل جداً
well done
ما يميز العمل الذي يقوم به الرسام أنه يتعدى الصورة الخارجية لينقل ما يطلق عليه روح الشخصية
خلاف الكاميرا الفوتوغرافية
والبساطةوالتلقائية في الخطوط هي الطريق إلى التميز
أكثري من رسمك حتى تتطور خطوطك أكثر
خالص تحياتي
ممكن أستغل المساحه دى واعمل اعلان صغير
16 نوفمبريا جماعه..مستنياكو يوم الجمعه الجايه الساعه 8 م..قاعة الحمكمة بساقية الصاوى
هانتقابل ونحضر حفلة لفرقة أيامنا الحلوه..واحده من اكبر التجمعات البلوجرية المهمه
تعالوا وقولوا للحبايب
Ahmed Al-Sabbagh
----------------
بتحقد على الفنانين ماشى
كده من اوله
متشكرة جدا على تعليقك الجامد
مفيش اطفال ولا حاجه
دول بس هما شخصيتهم كده
نورتنى
حبة حاجات (ايمان)
----------------
تسلمى انتى يا قمر
بتاع العسل
-------------
هى كده فعلا
ربنا يقومها بالسلامه
ادعلها
فى القلب
---------
متشكرة ليكى كده
لا هى مش صغيرورة انا حساها كده
نورتى المدونه
ولــــــــــو
---------------
اللى بنضارة دا محمد
هو طفل شويا بس طويل قوى
والبنتين اللى قدانه قصيرن
فحطيته وراهم على شان يبان الطول
اصلا انا كنت رسماهم كل واحد لوحده بس مجمعاهم على الفوتوشوب
شرفتنى بتعليقك
rack-yourminds
----------------
ازيك يا واحد
بص فى المدونه كده تحت شويا يمين كمان ايوة بس هنا
عرفت الجمله دا بتاعه مين
نورتنى
YHYيــوســف الـمصـرى
-------------
صح وغلط
هو ايه بقا
تعليقك حيرنى قوى
ممكن نقول عليه تعليق كلمتين وبس
شرفتنى
محمود علي
--------
متشكرة ليك موت
يا سيدى اتفضل عندى وانا اورهملك واحد واحد
مدونة تحت العشرين
----------------
مش يمكن اصحابى هما اصحابك ؟
ياسر حسين
-------
منورنى يا فنان
هعمل بنصحتك
وينكى
-----
استغلى يا ستى براحتك
هحاول اجى بس موعدكيش
تحياتى للجميع
والله جملة جميلة جدا
واللي بيحس بالناس ده بيبقي قيمته كبيرة اوي في الحياة
جميله جدا الصورة مشاء الله
رسمك حلو اوي...ما شاء الله
والصور اللي قبل دي كمان اللي في البوستات التانية جامدين جدا برضه...واضح ان كان بقالي كتير مش بدخل هنا
تحياتي لك
حلوة اللوحة
شايف فيها شخصيات
مش اشكال
جميلة يا سمسم
انتى مش هتبطلى
هتجننى
انتى حرة
سمسم
السلام عليكم ورحمة الله وبركاته
رسمك جميل ، وموهبتك أحلى
السلام عليكم
سمسم
السلام عليكم ورحمة الله وبركاته
أنت مدعو لمشاركتنا فى مدونة الإتحاد العالمى للمدونين
World United Bloggers (WUB)
هدف هذه المدونة هى أن نثبت للعام من خلالها أن الإختلاف فى اللغة ، والدين ، والعرق ، والجنسية لا يعد دافعا لأن يكره بعضنا بعضا ، وأن بإمكاننا أن نجعل هذا العالم افضل لو اننا عبرنا عن أراءنا مع إحترام آراء الأخرين
فى حال موافقتك على المشاركة معنا رجاءا أرسل ميلا يتضمن الإسم الحركى الخاص بك (النيك نيم) ، وعمرك ، وإسم دولتك ، واللينك الخاص بمدونتك إلى هذا الميل know_how_2love@yahoo.com وسيتم إرسال رسالة التفعيل لك وبموجبها تصبح أحد اعضاء الإتحاد العالمى للمدونين (WUB) ، وكأحد المشاركين سيتم تحديث إسمك على المدونة بشكل ألى ، رجاءا إقرأ قواعد المشاركة والنشر فى الإتحاد قبل أن تبدأ فى التدوين .. وستجد هناك أهداف الإتحاد يمكنك قراءتها كذلك.
تحياتى لك
إسلام
وسيط الشرق الأوسط عن الإتحاد
www.worldub. blogspot. com
سمسم
السلام عليكم ورحمة الله وبركاته
لم أكن قد قرأت ردك على دعوتى السابقة
عل كل الدعوة للإنضمام مفتوحة لك فى أى وقت إن شاء الله
كل التقدير والإحترام
السلام عليكم ورحمة الله وبركاته
ليه هوا انتا دكتور فى المصحة النفسية ودول الممرضين والممرضات
معلشى على السخافة دى بس دى من باب المرح
مصراوي أوي
----------
sasa
-----
متشكرا ليكم جدا
Amr Ahmed
---------
هما فعلا شخصيات مش اشخاص
احساسك جميل جدا متشكره ليك
Marvel
---------
اهلا بيك فى اى وقت
انا مبسوطه انى الرسومات عجبتك
ارجو انى اكون عند حسن ظنك دائما
الصقر الجارح
--------------
تصدق انا مش هرد عليك
اتجنن ولا متجننش ليك عندى حاجه
islam
-------
شكرا لاهتمامك فى الدعوة
هحاول وارد عليك اكيد
سفير جهنم
...
صاحب اغرب تعليق
اولا شكرا لتشريفك
تانيا :لو انت شفتهم مرض وانا الدكتورن بتاعتهم
فلا تعليق
ما شاء الله على الاختلاف
بس اكتر واحده لفتت نظرى اللى لابسه سبور وحامل ولا ده كيس دهنى ولا ايه بالظبط
Desert cat
--------
لا هى كده فعلا
...
(فان العبرة ليست ابدا فى معرفه الناس ولكن , فى الاحساس بهم
صحححححححححححححح!
بس لأزم يبقي أحساسنا عاقل!
the poto is incredible!
إرسال تعليق