كثيرا ما ابدا رسومات ولكنى لا انتهى منها
لا لشى الا أننى عندما أبدا بالرسم أنظر للتكوين ككتله واحده كامله فلا التفت كثيرا للتفاصيل الصغيرة
الا عندما ابدا بالتلوين او التظليل ومتابعه الظل والنور
فتظهر العيوب لانى حينها اكون قد بدات فى متابعه التفاصيل الصغيرة
فاتركها وابدا من جديد
الا اننى دائما ما احتفظ برسوماتى الناقصه
هناك ٢٤ تعليقًا:
لو كان جمال الفن بكمال القطعه الفنيه لكان الكمبيوتر اعظم فنان
لكن الفن يميزه ان به اخطاء وعيوب
واشياء انسانيه كالسهو والنسيان
السينفونيه الناقصه كانت اروع اعمال بتهوفن
واعظم الوحات كانت لوحات بها اخطاء فنانين
ورتوش فرش وطرطشه الوان
لان الفنان انسان
اما لو تركنا الكمبيوتر يرسم شجره فستخرج تمام كما تلتقطها الكاميرا
اين الفن اذا
احترم خطاء الفنان
فى اى مجال
حين كانت تنسى ام كلثوم احد الكبليهات او الكلمات كات الجمهو يثور تصفيقا واعجبا بنسيانها وارتجالها لكمات اخرى
او دندتها
تحياتى
momken
------
مش كل حاجه تنفع تكون فيها اخطاء
الاخطاء الغير مقصوده والتى لا تظهر عيوب الرسومات مقبوله
بس لما يبقا العيب فى المنظور ذى ما هو فى الرسمه اللى قدامك كده يبقا زفت
وكمان دائما الفنان
بيحاول يطلع احسن حاجه عنده
فلا يرضا عن اعماله تمام الرضا
منورتى ممكم
عارفة يا سمسم ؟؟
بتفكرينى بنفسى
انا لما باجى اكتب حاجة بتبقى في دماغ صورة ليها ككل
بس لما ابتدى اكتب واعبر عن الموضوع الاقى تفاصيل كتير تايهة منى
فم بعرف اكمل فعلا يباما ببدء من الاول او تلاقينى مسحت كل اللى كتبته
اصل الكتابة زى الرسم كده .. فى الرسم بتعبرى باللوحة والالوان
وفى الكتابة بتعبرى بالحروف والكلمات
تحياتى يا سمسم
انتى كنتى غايبة فين بقالك 156 سنة
انا باشوف ان الفنان حاله
بمعنى انه اللوحه اللي بتكمل معاكي بيبقى عشان الحاله اللي عايشاها لسه مستمره
لكن لو المود اتغير يبقى اللوحه بتقع منك لحد بقى يمكن الحاله دي ترجع تاني
يمكن يكون اللي باقوله غلط
اصلي للاسف مش فنان
بس الصوره حلوه بجد
ايه اللي مع اللمبه ده
أنا أيضاً لدي هوس الاحتفاظ بكل ما لم أكمله من رسومات أو نصوص مكتوبة، مع أنني لا أعود لإكمالها فيما بعد لكن يعز علي التخلص منها.
على فكرة، للتخلص من عيوب المنظور يمكن استخدام خط الأفق المساعد و تحديد زاوية النظر، وأعتقد أنك تعرفين ذلك.ه
وعلى كل، يوجد العديد من الكتب ومواقع الانترنت التي تشرح طريقة تحديد المنظور مسبقاً قبل بدء الرسم. لكنني أعترف أنني لم استخدم هذه الطريقة الا فيما ندر. ه
ليس لأني عبقرية في الرسم، ولكن لأنها طريقة مملة قليلاً، ولذا أفضل أن أرسم وأنا مستمتعة بمنظور خاطئ على أن أرسم بمنظور صحيح وأنا أشعر كأني أقوم بواجب المدرسة
;-P
Hadota .. حدوتة
--------------
حدوته ازيك وحشتنى فعلا
هو فعلا ذى ما انتى قلتى النظر للافكار كلل قد تغفلنا تجعلنا نغفل احيانا عن الاخطاء الصغيرة
منورنى
ولــــــــــو
--------------
دكتور علم نفس
ايه التعليق الجامد ده
منورنى
ياسمين حميد
---------
ميسرى كتير على المعلومات الجميله دى
هى المشكله مش دائما منظور
ساعات الواحد كمان بيخلى المنظور غلط للحفاظ على الشكل
منورنى
تحتاتى للجميع
انتى كمان كنتى وحشانى جدا وكنت باجى مدونتك ملاقيش حد اخد بعضى وامشى
رد ممكن عجبني اووووي
لاني كنت هقول نفس الفكرة
الفنان بيبص للوحاته زي الاب ما بيبص لاولاده
ممكن يكون فيهم اخطاء بس هو بيحبهم باخطائهم
Hadota .. حدوتة
--------------
حدوته انت تيجى فى اى وقت
تنورنى حتى لو ان مش هنا
محمود علي
---------
ممكن
رده كان هايل
يس دائما الواحد بيحاول يطلع احسن حاجه عنده وبعدين انا قلت انى مع اخطاء الوحات بحتفظ بيها بس الافضل بالنسبالى انى اعمل حاجه راضيه عنها
فىاخطاء ممكن تتقبل واخطاء لا
هو ده قصدى
منورنى
النقصان عند البشر وكل ماهو من صنعهم هو عين الكمال
لأن الكمال صفه ليست لأحد من البشر لا قبل ولا بعد رسولنا الكريم
لذلك لانكتمل ولا تكتمل اعمالنا الا عندما يكون فيها بعض التفاصيل الغائبه
بوست جميل
تحياتي
بالرغم مافي هذا الرسم من ملاحظات حول منظور رؤية الأشكال إلا أنه ظهر بشكل
أقرب إلى التكعيبي ، أكثر ما يميز الرسم أنه لا يحاكي الواقع بشكل تصويري خاصة بعد اختراع الكاميرا التى تصور لناالاشكال كما هي في الواقع
ففي هذه الحالة وجب على الفنان أن يضيف مالا تعطيه لنا الكاميرا
حتى وإن كان الرسم به خطأ في المنظور فهذه المقاييس اكاديمية والفن يجب ألا يخضع لثوابت أو قوالب ثابتة وإلا لما ظهر مثل دالي أو بيكاسو الذين كسروا الكثير من القواعد الاكاديمية
خالص تحياتي الفنية
أوشــــــه
----------
صلى الله على محمد صلى الله عليه وسلم
عندك حق طبعا
انا مبشترطش الكمال فى الاعمال انا بس كل قصدنى ان احنا نعمل اللى يرضينا
ويكون بالنسبه لنا
جميل وراضين عنا
فان الله يحب ان عمل احدكم عمل ان يتقنه ولا ايه
ياسر حسين
--------
فنانى الجميل ياسر حسين
منورنى
بينى وبينك انا كنت بتكلم على منهج واسلوب حياه مش مساله رسم وبس
كنت بقصد انه فعلا احيانا نرى الاشياء مكتمله وجميله
وحين النظر الى تفصالها تبدو غير ذلك
تحيانى الفنيه
بلاش فلسفه فاضيه بس علشان الناس تفهم
براحه حرام عليكى مش عارفه ترسمى متوجعيش دمغنا
امووووووووووووووووووووووه
وحشتينى
الصراحه الرسمه جميله جدا بس ليا تعليق وليس تريقه
هو فوهه البرطمان الي علي اليمين دي مظبوطه ولا انا غلطان
تحياتي
الرسمه جميله جدا
وفعلا ذى ما اللى قبلى قال ان الكمال لله سبحانه وتعاله واكيد مفيش حاجه بتكمل الا فى نظرنا احنا
الصقر الجارح
-------
هقول ايه بس فى واحد خايف يشغل دماغه
اه يانى منك
تامر حسين
---------
منورنى الاول
لا هى فعلا غلط
ما هو دا الغلط بتاع المنظور اللى بتكلم فيه
§a§a
-----
ونعم بالله
وشكرا للمتابعه
رائعه
مش مهم تكون نقصه بعض الحجات الصغيره وممكن تكون شيفاها بعينك كامله وده الاهم اهم حاجة عند الفنان عيونه وما تريه انت يختلف عن ما يراه غيرك
تحياتى
احسنت التعبير
مفيش حد كامل
يمكن فعلا كمان النقص ده يدى
اللوحة
جمال اكتر
رغم انى مفهمش فى الرسم اوى
ضد الظلم
-------
هى فعلا عين الفنان بترى تفاصيل اكثر
منورنى بوجودك دائما
علي الالفي
-------
شكرا
doha
-----
هقول هى اى حاجه دلوقتى مع شويا قلسقه بتنفع فن
بس اللى بيفضل اللى الكويس بس
تحياتى للجميع
على فكرة انا من هواة الرسم
وخصوصا الغير ملون
وبشكل اكتر خصوصية
الغير مكتمل...مش عارفة لي؟؟؟
بس بجد بحب الصورة دايما ناقصة..عشان اترك جزء للخيال....وبعشقها من غير الوان ...بحس الالوان بتفسدها...لانها عمرها ما هتضاهى الطبيعة
sa7arkash
---------
منورنى
بس الالون برضو مطلويه
حبك للابيض والاسود جميل
بس حاول تنظر للالوان على انها
الوان تكمل بعضها من الالوان منفصله
شكرا لمرورك
سمسم
صدقا كلماتك رائعة
كلما قرأتها اتضح لى معنى مختلف
أول معنى جاء الى عقلى
البشر
كثيرا ما اتعرف على بشر فأحبهم و أحترهم ككل
و عندما اقترب اليهم اجد عيوبا -و هذا من طبيعة البشر- فأتغاضى عن هذة العيوب و اظل احبهم و احترمهم و لكنى على علم كامل بها " احتفظ بالرسومات الناقصة " و لكنى بنفس الوقت أتعرف من جديد على آخرون " ارسم مرة أخرى "
جزاكى الله كل خيــــر
على فكرة انا فنون تطبيقية فحسه بيكى فموضوع الرسم دا اساسا :D
إرسال تعليق