الصالون فى لغه الفن يعنى المعرض الذى يجمع عدد كبيرمن الاعمال الفنيه لمجموعه من الفنانين وفى جوائز ومقتنيات وكده يعنى
المهم انى انا ليه حكايات مع الصالونات اللى فشلت فشل ملاوش حل فى انى ادخل باعمالى العاديه فيها
رسمه الولد دى تقربا دى مستوى رسمى الطبيعى ممكن فوق شويا تحت شويا بس دى هو متوسط شغلى واللى المفروض انى الناس عادى تفهمه واللى ان بحب ارسمة
اما الرسمة التانيه دى لو اعتبرناها رسم وانا اللى عملها بردو
هى دى شكل الاعمال اللى ممكن تتقبل فى الصالونات
والرسمه دى واخواتها هم اللى اتعرضم فى معارض مع ان انا نفسى مش فاهمة ايه ده غير انى كنت بجرب اعمل تكوين عادى يعنى مش رسم وطلع كده
بس خلاص التعليق للقراء
رجاء
لو حد عرف يسمى الرسمه التانيه دى اسم يقولى على شان كل ما حد يسالنى معرفش اجاوب
هناك ٩ تعليقات:
عين الوزة هو أنسب إسم ليها
لو دققنا النظر في مركز اللوحة
لوجدنا أنها تشبه العين
ولو دققنا أكثر سنجد باقي الجسم والرأس والمنقار
وعلى فكرة هناك رأي يقول أن المدارس الفنية الحديثة التي تميل إلى التجريد بشكل مبالغ فيه
يتم دعمها ماديا من خلال منظمات
هدفها الرئيسي إبعاد فناني الدول
صاحبة الحضارات الفنية القديمة
عن تراث بلادهم الفني
وذلك من خلال رصد جوائز كبيرة لمن يحاكي
مثل هذا النوع من الفن التجريدي
ولا يحاكي أنواع الفنون القديمة مثل الفرعوني والقبطي والإسلامي
هذا الرأي قرأته في أحد الأعداد القديمة
من مجلة الهلال
أعتذر عن الإطالـــه
خالص تحياتي
ولا يهمك يا استاذ ياسر
تصدق الموضوع ده ممكن يبقا بجد
فعلا فى اتجاهات تجرديه غريبه والعجيب فعلا ان هو دا النوع اللى بياخد جوائز
رسمة الولد حلوة ... والرسمة التانية مش مفهومة جداً ودى أحسن حاجة فيها ... على فكرة أنا بحب الرسم جداً ... وعندى بعض المحاولات كدة يعنى .. بس بحب البورترية أكتر ... تحياتى
hassan
لو بتحب الرسم فعلا كمل محولات واعرض شغلك ونشوف مع بعض
شكرا على الرد
ده الميل بتاعى .. لو مافيش مانع نتكلم ali8430@yahoo.com ... اشكرك
مش عارف ليه اول ما بصيت في اللوحه شوفت عين بتببصلي قوي
.
.
يمكن حواليها غمامات
بتحاول قدر الامكان تدرايني عنها لكن العكس هو اللي بحصل
.
.
العين قادرة تخترق كل دا بل دي وظفت الظلالات لمصلحتها وخلتها تديها قوه اكبر
.
.
مش عارف ليه حسيت ان العين دي فاضحاني قوي
وشافت حجات كتير كنت مخبيها
.
.
اقولك سميها
العيون السحرية
.
.
.
.
تحياتي ليكي والسلام
ادم المصري
اول دمتور احه
مدون غير منحاز
مش ممكن اول مرة حد يوصف اللوحه كده متشكرة جدا
هنعلن الاسم الفائز فى نهايه الشهر
اولا الصالون بالنسبه ليا انا بقص فيه شعرى
وسعات اقص فيه شعرى بكسر الشين اقول فيه الشعر يعنى
لكن الاولانى بحلق فيه
بالنسبه للوحه الاولى ممكن تسميها اعصار
اعصار اه انا شايف ان فيها حركه ودوائر وصعود كبير
يعنى اعصار
أنا أيضاً رأيت عين، عين طفل واسعة تنظر بلهفة وترقب وقليل من الخوف
أو يمكن أن تكون نافذة صغيرة، نرى منها القمر البعيد
أقترح أن تسميها: نظرة إلى المستقبل
إرسال تعليق