انا وخلفيات الرسوم المتحركه عملت فى مجال الرسوم المتحركة لفترة لا باس بها الا اننى من كثره عملى فى هذا المجال وجدت اننى أصبحت أشبه الرسوم المتحركه
واليك القصه بالتفصيل
فى هذا المجال يتم رسم الشخصيه وتحركها فى المكان ويتم وضع خلفيه لها وتسحب الخلفيه من وراء الشخصيه وفتبدو وكانة الشخصيه هى التى تتحرك (دا طبعا بالختصار شديد) والاماكن والاحداث تتابع عليها
دا اسلوب من عده اساليب لتحريك الكرتون
كل ده مش مهم المهم
انى بعد شويا من شغلى فى الكرتون بقيت عمله كدة انا فى مكان وكل الاحداث والحاجات حتى الشخصيات تتابع وتمر من حولى لا وايه كمان فى فرق توقيت التوقت دا موضوع كبير مش وقته دلوقتى
باختصار انه مش كفايه انا كده لا دا كمان بقابل ناس احس انى المفروض كنت اقابلهم من زمان وحاجات بتحصل احس انه مش وقتها دلوقتى مش بقولكم فرق توقيت
و كل ما اقول لحد فى المجال معايا كده اكتشف انه نفس الحكايه ممكن دا تكون لعنه الفن علينا
احسن حاجه انى سبت الرسوم وشغاله دلوقتى دعايه واعلان
بس يا رب بعد شويا مبقاش عامله ذى الاعلانات والافشات اللى الناس بتتفرج عليه كل يوم فى الشارع
هناك ٨ تعليقات:
أسعدني كثيرا تعليقك عندي واكتشافي مدونتك الفنية الرائعة
ولكن اتمنى نشر أعمالك الخاصة سواء في الرسم أو التصميم الدعائي
في انتظار تشريفك الدائم لمدونتي الكاريكاتورية
تحياتي
د.أشرف حمدي
رسام كاريكاتير
اشكرك يا د/اشرف شكر خاص
على التعليق وعلى هذا الاطراء
حاضر من عنيه هنشر اعمالى بس شويا كده اخلص امتحانات واجيب مشابك وهنشر كل حاجه
الرسوم المتحركة عالم كبير
مبهر ورائع
للمشاهد طبعاً
ولكنه مجهد جداً بالنسبة للعاملين فيه
وهو عمل جماعي لايمكنك أن تحققي من خلاله شهرة إلا إذا كنتي مبتكرة للشخصيات الكارتونية
خالص تحياتي
ياسر حسين
فنان كاريكاتير
مصري
حتى مبتكر الشخصيات لا يعرف متهايالى اشهر واحد فينا المخرج
يعنى تقدر تقولى مين ابتكر شخصيه بكار
هى واحده اسمها نفين
بس لما بنقول بكار بنفتكر بس اسم د/ منى ابو النصر الله يرحمه
الذى شرفت بالتعلم على يدها
بالرغم من ان البوست ده قديم شوية
و مش عارف هتقرأي الرد ده و لا لأ
لكن أعجبني جدا التشبيه
أحيان كتير بأشعر الشعور ده
و خصوصا لما باتامل في الناس
باحس ان واقف و الدنيا كلها بتتحرك من حواليّه
و ماشاء الله واضح انك محترفة :)
في مجال الكارتون
ربنا يوفقك
مجال رائع
لا قراته
شكرا انك بتشوف البوستات بتاعتى حتى القديمه
انت كنت تشتغلين بالرسوم المتحركة يدوياً أم على الكمبيوتر؟
أتمنى أن نتواصل أكثر، فأنا أريد تعلم هذا الفن (وخصوصاً حكاية التوقيت، لي تجربة فاشلة جداً على الفلاش لم أستطع فيها ضبط توقيت الصورة على الصوت بحيث تبدو وكأنها هي من يتكلم، مع أني رسمت الوجه فقط، يعني كانت مجرد حركات رأس وعينين لوجه واحد دون شخصيات أخرى ودون حتى خلفية، ومع ذلك لم أستطع ضبط الحركات بحيث تبدو وكأن الوجه يتحرك عند الكلام. فما بالك بضبط توقيتات الشخصيات في مقابل الشخصيات الأخرى وحركة الخلفية إلخ)... ه
تحياتي إلى أول فتاة عربية "أقابلها" درست الرسم وتمارسه.
أما عن الخلفية، فأنا أحياناً أحس ذات الإحساس. الكل يتحرك من حولي وأنا في مكاني.
مع محبتي
منورنى
واسعدنى جدا وجودك فى بسوتات مدونتى القديمه
انا كنا شغاله الرسوم يدويا
على شفافاته وبنحرك ونلون على الكمبيوتر بس انا معرفش اشتغل فلاش
بس نحاول نتواصل ونشوف ان شاء الله
إرسال تعليق